“Misdadige stelsel

Daar is nog slegs twee maande oor voor die land weer na die stembus gaan.
Ons het al voorheen gesê dat die uitslag baie voorspelbaar is. Daar kan dalk wel hier en daar ‘n ligte verskuiwing plaasvind, maar die ANC behoort nasionaal gemaklik te wen.

‘n Onlangse meningsopname onder ANC-lede self, het ‘n verrassing opgelewer. Daarvolgens kan die ANC in wat hy Gauteng gedoop het, dalk sy meerderheid verloor. Dit sal beteken dat hy slegs in beheer van dié provinsie kan bly as hy ‘n koalisie aangaan na die verkiesing. En die koalisievennoot wat genoem word, is… die EFF van Julius Malema, hoofsanger van “Skiet die Boere”-faam.

Vir ons is dit nie werklik skokkende nuus nie. Ons het al voorheen voorspel dat indien die ANC steun aan die Malema-groepering sou verloor, hy met hulle in koalisie sal gaan om dus indirek tog die steun te behou. Al wat gaan gebeur is dat die EFF-mense beloon moet word met goeie poste. As die EFF byvoorbeeld nasionaal goed sou vaar en die ANC kan nie meer op nasionale vlak ‘n meerderheid behaal nie, sal die leier van die EFF vergoed moet word vir sy samewerking, en die enigste vergoeding wat hulle waarskynlik sal aanvaar is dat hulle leier die land se adjunk-president moet word.

Dieselfde sal die geval wees op provinsiale vlak.
Uiteraard sal dit beteken dat die EFF dadelik al sy wilde ekonomiese eise tot op die hoogste vlak kan indra en waarskynlik enorme druk uitoefen dat dit deurgevoer word. Hier is dus ‘n ongemaklike situasie aan die ontstaan, aangesien die ANC al hoe meer onder druk gaan kom om Zimbabwe-gewys op te tree.
Intussen het die verskillende politieke partye ook hulle kandidatelyste by die verkiesingskommissie ingehandig. ‘n Hele klomp name verskyn daar van mense wat verbind word met twyfelagtige transaksies soos korrupsie en geldwassery, terwyl daar ook ‘n paar veroordeelde bedrieërs is wat slegs boetes gekry het en nie tronkstraf nie.

Die ANC praat baie van die uitwissing van korrupsie en al die lelike dinge. Maar die kandidate wat hulle parlement toe wil stuur, sluit misdadigers in wat daaraan verbind word. Hulle lede, wat die kandidaatlyste saamstel, gee duidelik nie om daarvoor nie. Trouens, dit wil eerder voorkom as dit as aanbeveling kan dien as jy weggekom het sonder tronkstraf.

So word ‘n misdadige stelsel geskep. As die parlement met sulke twyfelagtige figure gelaai word, moet daar geen illusie bestaan dat dit gaan plaasvind op provinsiale en plaaslike regeringsvlakke ook.
Vir dié mense, groepe en organisasies wat deel wil word van daardie misdadige bestel, kan ons net sê: Sterkte! Maar ons wil eintlik meer sterkte toewens aan die mense, groepe en organisasies wat hulle beywer om “die land te laat werk”.
So ‘n bestel is fundamenteel vrot. Daarom sal dit nooit kan werk nie.

Boonop is so ‘n vrot samelewing vreemd aan ons Boere-afkoms en ons Afrikanerkultuur. Die enigste manier waarop so ‘n bestel kan werk, is om self net so vrot en misdadig te word. Natuurlik is daar enkelinge wat nie omgee om so te word ter wille van persoonlike voordeel en gewin nie. Maar die meerderheid Afrikaners se opvoeding is anders – totaal teenstrydig daaraan.

Ons kan die huidige stelsel van alle kante beoordeel. Ons kan welke rede ook soek om regverdiging te vind om nie aktief by ons vryheidstryd betrokke te raak nie. Al wat gebeur is dat die opponente en pasifiste ten opsigte van ons vryheid, hulle onbewus (sommiges selfs bewus) laat insleep by die misdadige bestel. Hulle sal soos die spreekwoordelike appel in die mandjie aangesteek word deur die vrottes wat al die meerderheid van die mandjie uitmaak.

Meningspeilings wys klaar weer dat hierdie verkiesing nog meer mense gaan wegbly van die stembus. Die wegblystem word die stille meerderheid, maar dis ‘n ontevrede stem wat al hoe harder brom, en een of ander tyd tot uitbarsting gaan kom.
Die Afrikaner se heil lê nie in die bestel nie. Telkens word daar weer iets oopgevlek wat mense laat besef dat hierdie bedeling nie volhoubaar is nie. Die ANC weet dit ook, maar hulle geniet hulle sadistiese rol as onderdrukker en vernederaar van die witman. Maar hulle sal een of ander tyd besef dat die swyende meerderheid, nie vir altyd stil gaan bly nie. Dit is in die ANC se hande of daar dan ‘n vreedsame oplossing gaan kom, en of hy ook eers wil leer uit die onlangse geskiedenis van ‘n Arabiese lente. Suid-Afrika is nie ver daarvandaan nie! “

Dank voor de inzending aan Peter Murray

Lees ook het artikel: Boere het meer risiko’s as polisie