Ramadan-nieuws

Verschillende Koeweitse kranten laten hun drukpersen vroeg draaien tijdens de ramadan.

Té vroeg, volgens critici, want er gaat een heleboel actualiteit van de dag verloren.  Vijf kranten beginnen onmiddellijk te werken na de iftar.  Ze doen hun best om hun lezers niet te ontgoochelen en zetten er telkens het uur van publicatie bij.  Maar uiteraard kunnen ze niet voluit gaan willen ze gehoorzamen aan Allahs wetten.  En zich  ‘s avonds lekker kunnen ontspannen bij spijs, drank en andere lichamelijke geneugten.
Lezers blijven zo op hun honger zitten.  Ze kunnen immers meer informatie op het net halen dan uit hun kranten.

Bron: http://english.alarabiya.net

Voortrekkersmonument

AL HOE VREEMDER: 

“Die ANC-staatshoof, Jacob Zuma, is besig met ‘n geleidelike proses om die Afrikaner al hoe vreemder in sy eie land te laat voel.
Hierdie gevoel kom natuurlik nie van gister of eergister af nie. Dit kom inderwaarheid al vanaf die dag dat FW de Klerk aangekondig het dat Mandela uit die tronk vrygelaat gaan word (sonder dat laasgenoemde nodig gehad het om geweld af te skryf…), en dat die ANC en die SAKP deel van die politieke realiteit van die land sou word.
Selfs mense wat in die 1992-referendum nog “ja” gestem het, kom nou ruiterlik vorendag dat hulle nie die implikasies daarvan voorsien het nie, en as hulle nou sou kon, dit anders sou doen. Behalwe FW de Klerk, wat steeds probeer regverdiging vind vir sy verraad wat nou al menige Afrikaner en witman se lewe gekos het.

Zuma gaan dus net voort op die pad wat bereid is deur De Klerk, wat verder geplavei is deur Mandela onder die invloed van die ANC se revolusionêre Freedom Charter, versnel is deur Thabo Mbeki en nou in dolle vaart voortsnel onder Jacob Zuma.
In sy eie geledere is Zuma erg onder druk. Weliswaar het hy op meesterlike wyse van Julius Malema ontslae geraak uit die ANC, maar nou wil Malema sy eie ding doen en val hy nie meer onder die dissipline van die ANC waar Zuma hom tot ’n mate kan beheer nie. Malema wil voortgaan met sy ekonomiese revolusie, wat beteken dat, sou hy slaag, alles kan waar kom waarvoor gevrees is net voor die ANC in 1994 aan bewind gekom het.

Tot net voor die bewindsoorname van die ANC was daar nog gepraat van die nasionalisering van ons banke, pensioenfondse, mediese fondse, onteiening van grond en ander eiendom, soveel so dat verskeie groot maatskappye, soos Ou Mutual; en Anglo American, hulle bates betyds geskuif het en hulle hoofkantore in Londen gevestig het.
Malema het nie hierdie aansprake skielik uit die lug gegryp nie. Dit is onderwerpe waaroor daar in die ANC binnekring op deurlopende basis gepraat word. As deel van die binnekring het Malema daaraan deelgeneem. Die verskil tussen hom en die ouer garde van die ANC is net dat die ouer garde hulleself skaamteloos verryk om hulle laaste dae in skandalige weelde te kan deurbring, terwyl die jonger garde onder aanvoering van Malema ongeduldig raak en resultate wil sien. Nou!

Meningspelings het al getoon dat Malema dalk meer stemme as die DA kan trek, wat beteken dat hy ’n groot hap uit die ANC kan byt. Daarom moet Zuma nou maksimale steun monster, en sal hy ook sy beleid en wyse van optrede moet radikaliseer om die minimum radikales aan Malema af te staan. Intussen moet hy darem ook vir sy eie oudag en sy familie s’n sorg, deur genoeg korrupte bande te bou en toe te sien dat hulle ryk kan word op belastingbetalerskoste. Die Nkandla-projek is een daarvan, en nou ook die aangekondigde Masibambisane-projek, waardeur sy kleinnefie bevoordeel gaan word.

Met sy kabinetskommeling verlede week het Zuma ontslae geraak van een van sy groot voorstanders van kapitalisme, Tokyo Sexwale. Inderdaad het Sexwale Zuma teengestaan by die ANC se sogenaamde Mangaung beleidskonferensie, maar Sexwale is ’n kapitalis wat skatryk geword het uit daardie stelsel. Nou is hy en ’n kollega uit. Zuma het twee lede van die SA Kommuniste Party (SAKP) in hulle plek aangestel! Die SAKP is van die wêreld se gehardste kommuniste wat steeds klou aan alles wat van toepassing was in die ou Sowjet-ryk. Keer op keer kry die SAKP meer verteenwoordiging in die Suid-Afrikaanse kabinet. Mandela het hom met kommuniste omring, en Zuma omring hom met nog meer van hulle.

Aan die ander kant het Zuma verlede week ’n boodskap van ondersteuning gegee aan die Moslem-gemeenskap, met hulle maand van Ramadaan.
Zuma distansieer hom dus steeds verder van die Afrikaner, wat in sy wese Christen en kapitalis is. Die boodskap word dus al duideliker: Afrikaners word hoogstens verdra, maar nie gewaardeer nie.
Waarom sal ons lojaal bly aan so ’n bestel? Waarom sal dit ons nie motiveer om, tot eer van God, harder te werk vir ons eie, vrye Christelike republiek nie?”

Ingestuur deur Peter Murray.